Pandir Nian

ADO-ADO AJO Featured Kota Bengkulu Peristiwa Sosial & Budaya

ADO-ADO AJO

UJANG nggak nian diajak kawannyo main futsal. Lah payah kawannyo ngajak, nyo nggak jugo. Dibandar bakso semangkok besak pun jo idak ngapiknyo.
’’Kecik amek. Idak level. Lemak ambo main voli. Ceweknya jugo banyak,’’kecek Ujang ngota kawannyo.

Nyo nggak main futsal tu, karno nyo ado lukak. Ada cewek baru nang nontonnyo. Kulitnyo putih. Idungnyo mancung. Manis bentuknyo. Pakaiannya jangan dikato. Pokoknyo, pontennyo di ateh sembilan koma sekian-sekian. Makonyo, tiok petangnyo la tecogok di tengah lapangan voli dekek rumahnyo tu lah.

Nengok Ujang nggak main futsal, kawanyo ngalah jugo. Karno kawannyo idak cukup untuk main futsal, tepaksolah nyo tu ikut jugo main voli. Nengok ado cewek manis, kawannyo semangek jugo.’’Pantas ajo Ujang idak ndak main futsal. Karno nyo ado lokak cewek baru,’’kecek kawannyo sambil nengok kek cewek tu.

‘’Baru tau yo. Makonyo, kamu orangtu banyak-banyak baco TV kek nonton RADAR BENGKULU,’’kecek Ujang baolok-olok.

‘’Oi …antu. Jangan pandir nian. Belum tentu dapek ke awak. Jangan raso-raso,” kecek kawannyo.

‘’Lemaklah ado raso-raso daripado idak ado beraso. Karno, kalau idak ado raso, itu bahayo,’’kecek Ujang sekendak muncungnyo.

Nengok tobo la ndak mulai main, kawan Ujang idak ngapik kecek Ujang lagi. Nyo mendorat ke tengah lapang ngambik posisi. Ujang cam itu jugo. Kalu idak cam itu, tobo tu bisa idak main. Karno, nang ndak main tu sebanyak idak. Lapangannyo cuma sebuah tu lah. Jadi, tobo tu tepakso gantian. Kalu main duluan, kan lemak. Banyak nang nonton. Kalu kendian, paling nang nonton induk-indun, andung-andung. Jadi, idak semangek main.

Nengok cewek elok nonton, Ujang tamba semangek. Jak mulai main, nyo melompek-lompek cak cacing kepanehan. Cak hebat nian. Suaronyo jangan dikato. Sampai ke langit nang ketuju. Tobo tu pekau dibueknyo.

Nengok tobo tu tegelak-tegelak, Ujang tambah semangek. Nyo beputar-putar di tengah ari legat tu. Dilantaknyo cemes sekuek tenago nggut bolanya sampai diateh pokok kelapo nang ado di dekek lapangan voli tu.

‘’Idup ujang… Jangan ndak kalah Jang,’’kecek kawannyo ngasih semangek.

‘’Ayo Jang. Lantaklah. Jangan sampai kalah,’’kecek cewek nang ado di belakang Ujang.

‘’Alangkah pandirnyo Ujang ko dak. Awak idak sebagai, cak hebat nian,’’kecek cewek nang ado di samping Ujang ke kawanyo.

Dengan kritikan tobo banyak tu, Ujang bukan do sadar. Nyo malah tambah pandir. Nyo ndak ngambik bola manjang. Elok pulo bola tu masuk. Iko idak. Bola tu melantak palak penonton di pinggir lapangan tu la. Penonton tu jadi kesakitan.

‘’Jangan dekek-dekek nian dek. Pinggir dikit lagi,’’kecek penonton ngasih saran.

‘’Nyo tu pulo pandir nian. Awak idak pacak, cak macak,’’kecek penonton nang kenai palak ke bola tadi.

‘’Memang kau tu nonton dekek-dekek nian. Cubo agak jauh dikit, pasti idak kenai tadi,’’kecek Ujang idak ndak ngalah.

‘’Idak jugo. Dasar kau ajo nang pandir. Orang lain ko idak pulo.’’
Jadi apo kendak kau kini,’’kecek Ujang ngereh.

‘’Ambo ndak mintak ganti rugi. Kalu idak, ambo ndak melapor kek polisi,’’kecek tobo nang kenai palak tadi. Penonton pun ceme nengok tobo begaduh tu. Tapi, ado jugo nang riang.

‘’Lantak lah. Jangan mundur,’’kecek tobo nang lain ngasung tobo tu.

‘’Udah lah Jang. Jangan diambik ati nian. Makonyo kau tu jangan semangek nian. Kito ko cuman latihan. Jadi, idak pulo ndak ditengokkan galo kehebatan kau tu. Kalu kafilah MTQN lah datang galo nonton kelak, bulih kau tengokkan galo bakat kau tu. Siapo tahu ado nang ngajak ngontak kau main di klubnyo kelak. Kalu kini, kau payah ajo,’’ saran kawan Ujang.

Ujang tediam ndengar saran kawannyo tu. Apo nang dikasih tahunyo tu ado benarnyo jugo.

Nengok tobo tu begaduh, Andung langsung nengah.’’Ngapo kamu ko begaduh. Kito ko sanak. Jangan ndak diasung toboko. Kini ko balik ke rumah dulu. Kito makan lemak dulu. Andung masak lemak tadi. Klak kita selesaikan urusan iko di rumah,’’kecek Andung sambil megang tangan Ujang kek kawanyo ke rumah.

Tobo nang nonton tadi tengango nengok Ujang kek kawannyo nang kenai bola tadi ditarik Andung ke rumahnyo. Ado jugo nang tegelak. Ujang diam jugo. Nyo malu jugo ditengok orang banyak tu.(yar)

Tinggalkan Balasan

Alamat email Anda tidak akan dipublikasikan. Ruas yang wajib ditandai *