ADO-ADO AJO

ADO-ADO AJO Featured

Makan Tu Kuahnyo

SEPAGI idak Ujang la bekelusuk abuk. Nyo nyiapkan umpan kek pancing. Nyo cik nan nian makan ikan hasil mancingnyo nian. Karno nyo la janjian pulo kek Buyung, Pak Uncu ndak mancing besamo. Umpan la nyo siapkan sekantong asoi besak nangnyo beli di Pasar Minggu.

‘’Ndak kemano kau Jang? Sepagi idak la bekelusuk abuk,’’kecek Andung sambil mindahka suginya jak sepiak kiri ke sepiak kanan.

‘’Ambo ndak mancing Ndung. Ambo ciknan kek ikan jenihin, tenggiri baru,’’kecek Ujang idak nengok lagi ke Andung.

‘’Elokla udang tu kito gulai ajo Jang. Pacak kito makan lemak pagi ko. Kalu mancing, itu belum tentu kau dapek ikan,’’kecek Andung nengok tobo tu baok umpan elok nian.

‘’Apo Ndung? Digulai? Apo ambo idak sala dengar. Andungko ado-ado ajo. Orang ndak mancing , pikiran kek gulai ajo. Siapo tau kelak ambo dapek ikan jenihin besak, pacak kito makan lemak nian. Apo lagi dapek ikan yu besak, pacak Andung buek bagar yu,’’kecek Ujang ngencang.

‘’Kau cak keiyo nian. Orang cak kau ko mano ikan tu ndak makan. Paling ikan tu belari galo. Nyo male nengok kau tu,’’kecek Andung ngangek Ujang.

Ujang mane nian dikecek Andung cam tu. ‘’Tengok ajo la dung. Ambo ko la dapek ilmu mancing dari kawan. Tengok la Andung, umpannyo ajo padek nian. Pasti ikannyo ndekek pancing ambo galo kelak,’’kecek Ujang idak ndak ngala.

‘’Kau ko ndak mancing dimano Antu?’’

‘’Ambo Ndak mancing di Pulau Baai sikolah,’’kecek Ujang sambil nengok Buyung kek Pak Uncu nang la tecogok dimuko rumahnyo.

‘’Ati-ati ajo kau Jang. Klak bukando kau nang mancing, tapi kau nang keno pancing,’’kecek Andung sambil bejalan ke dapur melenggak lenggok kekiri ke kanan cak itik balik petang.

Nengok Andung la pai, Ujang mendorat keluar. Nyo idak tahan lagi nak mancing tu. Apo lagi Buyung, Pak Uncu la siap pulo. Tobo betigo tu laju naik motor ke arah Pulau Baai tu besamo-samo.

Sampai di Pulau Baai, Ujang idak nganju lagi. Nyo pasang umpan elok kek pancingnyo, udem tu langsung mancing. Buyung, Pak Uncu cam itu jugo.

Ujang riang nian. Apo lagi nyo nengok umpan Pak uncu, Buyung idak elok nian.’’Pasti ambo dapek ikan banyak kelak. Karno umpan ambo paling padek, mantap’’kecek Ujang kek Buyung dan Pak Uncu.

 ’’Kito taruhan ajo,’’usul Ujang kek Pak Uncu dan Buyung.

‘’Idak elok taruhan itu. Itu judi. Nang jele, kito tengok ajolah,’’kecek Pak Uncu sambil narik pancingnyo. Ruponyo, nyo la dapek ikan jenihin besak. Idak lamo, Buyung pulo nang dapek ikan jenihin nang ukuran sedang.

Nengok tobo tu la dapek ikan, Ujang babo. Nyo pinda tempek mancing. La tigo jam ditempek baru tu, nyo idak jugo dapek ikan. Sedangkan Pak Uncu, Buyung idak berenti narik pancingnyo karena pancingnyo dimakan ikan. Ujang jugo narik pancingnyo, tapi ikan idak dapek-dapek. Umpanyo ajo nang abis dimakan ikan.

Nengok Pak Uncu, Buyung banyak dapek ikan, Ujang lesu. Idak lamo udem tu, nyo semangek nian. Karno pancingnyo teraso ditarik ikan. Idak nganju lagi, pancing tu tariknyo. Apo dikato, nang dapek bukan do ikan, tapi sempak cewek.

‘’Mungkin itu sempak mete kau agak e nang anyut kemarin,’’kecek Buyung tegelak. Pak Uncu nengok cam itu, nyo senyum-senyum ajo. Nyo idak lemak kek Ujang.

Muko Ujang pucek. Nyo tambah malu. Nyo nggak lagi mancing. Nyo ajak Pak Uncu, Buyung Balik Ajo.

’’Kito balik ajo. Ariko la ndak ujan,’’kecek Ujang.

Karno memang ndak ujang. Pak Uncu, Buyung berenti mancing. Buyung tegelak nengok Ujang. Pak Uncu cam itu jugo.

‘’Rasolah. Jadi orang jangan cam tu nian. Ngota besak ajo. Makan tu kuahnyo,’’kecek Buyung dalam ati sambil nyusul Ujang nang la mendorat duluan. (yar)

Tinggalkan Balasan

Alamat email Anda tidak akan dipublikasikan. Ruas yang wajib ditandai *